طَــل بَــدرُ السمــا يِستقبلَــك نيســان 

  ياالجــايِ ومـعَــك خَيـرات تِـهـــديـها

وحاملِ الشَّتوات تِحيي السِّكِّه والفدّان

  جايِ تَتِروي الأرض والناس تِحييـها

والزهور طلّت تشوف سِحرَك الفتّـان

  وتهديـك كــلَّ الحَــلى لـمّـا تــلاقيــها

وفَجـأه بِهـالأجـواء عَزْفَـتِ الألـحــان

جَتـلَـك طيـورُ الفَـلا تغـنّي أغانــيــها

بِالفرحه والنشوِه الكلّ بـات سـكــران

كأنّــكَ الخـمــره اللّي تــلَـذّذوا فيــهـا

كُلَّـك أنـاقـَه وفَـنّ بثَـوبِــكَ الحـلــيــان

  الِمْزركشِ بألـوان بتـبــعــث أمانيـهــا

وَردُ الخُدودِ احمَرَّ منِ الفرح خجـلان

  لمّـا بـــدَلال وحُــبّ غَــمـرَتَـك فيــهـا