وصلت الى موقع العرب رسالة من فتاة تطلب ارشاد ونصيحة زوار موقع العرب الكرام

موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

الرسالة هي التالية:
مرحباً لكل زوار موقع العرب

حابة وجّه شكر لموقعنا الرائع علشان خصصلنا زاوية مجتمع

وبصراحه انا حابة اعرض عليكم مشكلتي

انا بنت عمري 16 سنه ولا بعمري جرّبت الحب

كتير كنت احاول اني احب بس كل مره كنت اكتشف انو ما كان حب

وفيوم من الايام كنت رايحه عالمدرسه هسا شفت على جنب الطريق شب حلو كتير وبيتطلع عليّ ولما نظرت بوجهو حسيت شي غريب صار بقلبي (( ما بدي اقول انو حب من اول نظره  بس والله انا هيك حسيت ))

والاكتر من هيك ضلو هاد الشب كل يوم ييجي الصبح وانا رايحه عالمدرسه ويلاقيني ويصير يتطلع علي

بالاخر حتى اني اكتشفت اني بموت فيه

وعرفت هوي من اي عيله

لكن والله لحد هسا مش عارفه اجيب ولا معلومه عنو :(

حتى اسمو والله ما بعرفو 

ضلو ييجي كل يوم الصبح لمدة شهر

بعدين انقطعت اخبارو ولا عدت شفتو

يا ربي شو اعمل يا ريت لو يعرف اديش انا عم بتعزب كل يوم قديش ببكي وما حدا بيحس فيي

انا هون وعم وجّهلو نداء من موقع العرب

يا ريت تكون عرفتني ويا ريت ترجع تنتظرني كل يوم الصبح بابتسامه متل ما كنت تعمل

وبدي قلك اني بحبك بحبك بحبك

وارجو من معقبي موقع العرب ان يساعدوني في حل مشكلتي بدون استهزاء ومسخره

بعدين انا بحبو

والحب مش عيب

ولاني معدتش اقدر اكمّل وابدا يومي في المدرسه بدون ما اشوفووووو

سوري كـــــــــــــــتير عالاطاله

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab

co

il