وصلت الى موقع العرب رسالة من فتاة تطلب ارشاد ونصيحة زوار موقع العرب الكرام

موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية

السلام عليكم ورحمه الله

راح احكي مشكلتي ويا ريت تقدرو تساعدوني بما فيه الكفايه

انامتزوجه وعمري 19 سنه وحامل والحمدالله جوزي كثير مليح معي وبحبني وبهمو زعلي وكثير متفقين (اخدنا بعض عن حب) بس اكيد زي اي زوجين بصير بيناتهن مشاكل صغيره بس انا بحاول احلها بطريقتي مشكلتي مش مع جوزي مع سلفتي الا معيشتني بمرار والغيره قاتلتها وما بعرف شو عملتلها تهيك بتتصرف معي ودايما بتسببلي مشاكل عالطالعه والنازله وبتكرهني مع انو اقسم بالله والله بانو بزماني ما ضريتها وبلعكس دايما بكسبها لصفي وبتعامل معها كثير مليح بس هي مش ناوي تحل عني ودايما بسيرتي وبتحكي علي حكي ما فو منو والله انا تعبت جوزي بقلي هاي واحده مختله عقليه واتركيهاهاي غيوره ومكيوده بكرى بتصحى لحالها بس لوينتا راح تحل عني وتتكرني بحالي ؟؟!! انا صراحه زهئت بس متحمله الوضع عشان جوزي ودار عمي مناح معي وبحبوني اكثر ما تتصورو والمشكله ما حدا قادرها حتى جوزها بتتحكم فييووما بتحترمو بلمره بس يعني قويه بشكل ودايما عامله مشاكل وانا فقدت امي من وانا صغيره (يتيمه الام) ملييش حدا بهالدنيا غير دار عمي وجوزي وابوي مع انو مريض

والي صاحبه كثير بعزها كمان بحكيلها كلشي بس ما بتقدر تساعدني باشي لانو كمان هي امها متوفيه ودايما بحاله حزن بحكي وبحكي وعالفاضي لا حياه لمن تنادي والله بفكر اترك البيت بس وين بدي اروح وين يا رب وما بدي خرب بيتي بس بقول الي الله ودايما بدعي والحمدالله انا انسانه بصلي وبخاف ربي بس مشكلتي فاقده الامل ب هالحياه ولحد اسا بعدني بخاف من المستقبل لقدام حاولت كثير معها وبحاول اراضيها ونكون متفقات بس هي بترفض وما بعرف شو عملتلها تهلادي بتكرهني جربت كثير معها واسئلها بشو انا غلطت معك بشو انا اذيتك بتتجاهلني وبتتحايدني ودايما تقلي انت الا مخربه الدنيا وانت سوس البلاوي كلهاوانت واحده هيك وهيك (

!!!) انا ما بحكيها بس عشان بدي الستره الي وكل الناس عارفه مين انا وشو انا والحمدالله سمعتي بين الناس مليحه وانا محافظه عحالي

اذا قرئتو مشكلتي وحسيتو فيي يا ريت تساعدوني وتعطوني حل بكون شاكرتكو وكثير كمان والله يعطيكو الف عافيه وبتمنالكو ايام حلوه والله يرضى عن الجميع يا رب وتحياتي لافضل واروع موقع كل العرب كل الاحترام الكو دايما بلمقدمه

بتمنى تنشروها

الى اللقاء ( متزوجه من الشمال)

دمتم ذخرا وشكرا

موقع "العرب" يوجه عناية الزوار الى انه بامكانهم ارسال مشاكلهم وتساؤلاتهم الى الموقع لاخد رأي الزوار فيها على alarab@alarab

co

il

كما ويتوجه موقع العرب الى المعقبين الكرام الامتناع عن السب والشتم والتجريح العنصري والتعقيب بصورة موضوعية ومهنية ومناقشة القضية بإحترام مهما كانت صعبة، فصاحب القضية يكتب لموقع العرب طالباً المساعدة والنصيحة من زواره ولن نقدم المساعدة له بإستعمالنا الكلمات النابية والالفاظ البذيئة