ابرز ما جاء في الرسالة :

* انحرمت من كثير اشياء كنت انا بحاجه الها

* وهدفي بلمستقبل واصير محاميه بس كلو ضاع مليش حظ بالحياه

* معي مرض القلب ما كانت تشفق علي وكانت تعاملني معامله قاسيه جدا

 وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم ورحمه الله انا صبيه عمري 18 راح احكي مشكلتي بتمنى منكو تساعدوني مع انو متاكده راح تستغربو من مشكلتي حياتي جحيم وعذاب والسبب هي امي من حد ما خلفت اختي لصغيره انقلبت حياتنا للاسوا صارت عصبيه اكثر من للزوم وصلت معها لدرجه انو ما بدها اختي الا خلفتها وكانت بدها تموتها وتضربها بسكين تنو لاخر لحظه الحئناها حياتنا تشتت امي اسا هي بمستشفى لانو حالتها كل مالها عم بتسوء يمكن هلاشي مش بايدها وربنا هيك بدو بس من الاول ما كانت معنا منيحه لدرجه كانت تضربنا وتحرمنا من كثير اشياء معشتش طفولتي كباقي الاطفال انحرمت من كثير اشياء كنت انا بحاجه الها معشتش ب فرح وسعاده كلو شقاء وانا معي مرض القلب ما كانت تشفق علي وكانت تعاملني معامله قاسيه جدا عندي اخت واخ وانا المسؤوله عالبيت ابوي بشتغل وبتعب وبعمل المستحيل عشانا وما بدو يتزوج ويجيب واحده تانيه لنتعذب اكثر من هيك بصراحه انا ياست من هيك عيشه وبفكر ااذي نفسي مرات بتراجع بقول عذاب ربي اقوى من اي عذاب ..

 
صورة توضيحية

تحملت كثير عانيت كثير خسرت من وزني كثير وجمالي كلو عم بنهار من كثر لهموم الا شايلتها بقلبي ما الي غير ربي دايما بصلي وبدعي بس المشكله الواحد بتحمل مره مرتين واذا الاشي زاد عن حدو نقص .. ما بنام الليل دايما الدمعه عخدي انا ايماني بربي كبير بس حكيت علي جواتي بدي فضفض بدي ارتاح وعشان تعرفو انو اديش في ناس انظلمت بحياتها وعانت الكثير وفوق هيك بعدها صابره ومتحمله خسرت كمان مدرستي كنت طالبه مجتهده متفوقه كان حلمي احقق طموحي وهدفي بلمستقبل واصير محاميه بس كلو ضاع مليش حظ بالحياه يمكن القدر حكم عليي اعيش هيك ما تحكولي يمكن امي خاينه عشان هيك ما بدها اختي امي مريضه مرض وعندها الاعصاب ادعولي بكل خير ويا ريت فيكن تساعدوني وتخففو عني لو شوي وترفعو من معنوياتي مليش حدا غير اخوتي وابوي الا مستعده اضحي بروحي كرمالهن ....

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.co.il