- أبرز ما جاء في الرسالة:

*  الانسان غيرلي كل حياتي خلاني اضحك واعيط بنفس الوقت

- تعبت بطلت اعرف اشي صار عندي صدمة قوية

- قعدت اسبوعين بالمستشفى بحالة شبة ميتة ومن دكتور لدكتور وفحص لفحص تعذبت كثير 

- قضيتها حزن ودموع وهموم امي وابوي نزلت دموعهم بسببي رغم امراضهم ومش ناقصهم هموم

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا للجميع وخاصة موقع العرب موقعي المفضل ...انا صبية حابة احكي قصتي على امل ان تضحكلي الحياة لو مرة بعرفش كيف ابدا بس شكلوا الحزن حالف الا ما يبعد عني ويدشرني بحالي دايمن الهموم فوق راسي وسببها مشكلتي الوحيدة الانسان يلي حبيتوا حبيبي الاول بقى اول انسان بحياتي اول شخص بحكي معوا بقى هو بدايتي وشكلوا رح يبقى نهايتي..هاد الانسان غيرلي كل حياتي خلاني اضحك واعيط بنفس الوقت في البداية كنا نحكي مع بعض هيك ستام بس بنكرش اني كنت معجبة فيو هو شخص مثقف و حلو ومغني كمان بقت كل اغاني بتبين انو انسان عاطفي مستحيل يخون مستحيل يلعب بمشاعر مستحيل يجرح بس جرحني ودمرني وخلى دموعي متنشفش من عيني بقت علاقتنا بعيدة من البداية لان هو من الشمال بس بقى هاد بالنسبة الي ولا اشي لان الحب بعرفش مسافات ما كنا نشوف بعض غيرعالكميرا ومقضينها بلفون ومسن بقى دايمن يقولي بدي اشوفك ويصير كثير مشاكل بسبب هاي الشغلة بقيت دايمن احاول اطلع بحجة مش لاني مش حابة اشوفوا لاني معوا ببقى انسانة كثير ضعيفة وكنت خايفة من هالشغلة كثير وخلقة كنت كثير متعلقة في مع اني فب البداية انا يلي كنت احبة وما احكيلوا اياها بس بقى الاشي واضح من غير ما احكيها هو قالي اياها في البداية ومن وقتها شفت الدنيا بتضحكلي بقيت كثير مبسوطة بقت كل يوم اتصلوا واضل احكي معوا لوقت طويل ... اتصالاتي الكثيرة بقت تضايقوا لانو ببقى احيانن بساعات الشغل فصرت اتصلوا بالليل اضل سهراني لنص الليل بس عشان احكي معوا بقيت اعرف وقت ترويحتوا ونصير نحكي مع بعض ساعة وساعتين بووقتها بقى يشتغل بمنطقة يهودية وضل بذيال السنة يشتغل هناك بقى عايش غاد بسبب البعد بين هاد البللد وبلدو رح اختصر في القصة واحكي المشكلة دغري ..بعد سنة من العلاقة الطاهرا والاحترام والمحبة الشريفة بين منو اشي ثاني ووجهة ثاني تغير كثير خلال هالسنة عمرو ما حاول يفتح معي مواضيع ... بس بعدها تغير بدا يطلب مني شغلات مش منيحة...بس ما بقيت ارضى بقى صعب علي اعمل هيك شغلة وقتها قالي اذا بتسويش يلي قولتلك عنو انسى واحد اسموا ... وحترت كثير بس تقريبا سويتها خفت اخسروا وبعدها بسبوعين رد طلب مني اشي ثاني واصعب بكثير كمان وقتها ترددت ومعرفتش شو اسوي كرهت الدنيا بهاي الحظة وقالي معك اسبوع يا بتسوي القلتلك علية يا بتنسى واحد اسموا ... مرق الاسبوع وما سويتها وقتها قالي خلص بديش اياكي انا تعبت وبقدرش اضل على هالحال مش قادر اتحمل اكثر وهيك ...دشرني وقتها مشفتش اشي قدامي غيروا بقى صعب علي هيك افقدوا بكيت كثير وتعبت كثير وبعد شهرين من الفراق وانا بحس بروحي قاعدة بتطلع مني ..تعبت بطلت اعرف اشي صار عندي صدمة قوية قعدت اسبوعين بالمستشفى بحالة شبة ميتة ومن دكتور لدكتور وفحص لفحص تعذبت كثير بس بقاش قد عذاب قلبي بهاد الوقت بقى فرصة تعليمية الناس بتفرح بالفرصة انا قضيتها حزن ودموع وهموم امي وابوي نزلت دموعهم بسببي رغم امراضهم ومش ناقصهم هموم انا تخربطت حالي وخربطت عيلتي معي ومضلش حدا وما حكى معي بدهم يعرفوا ليش هيك صرلي جت المدرسة كنت فايتي موضوع معين وبعدها بشهر وبعد ما بقى ماضي عفراقنا 7 تشهر عرفت انو سافر يتعلم طب بالخارج ما بقيت مستغربي من هاي الناحية لان بقى زمان يحكيلي ان حابب يسافر وكنت اشجعوا على هاد الاشي بس لما صار وسافر واحنا مفترقين ... وقتها صرت اعمل بشغلات من غير واعي دغري وقتها روحت غيرت تخصصي وفوتت موضوع علوم الطب وصرت اتعلم طب بس عشان يبقى بينا لو اشي مشترك بسيط وقتها بقيت كثير متحمسة لدرجة اني حفظت كل الكتب بقيت اقول يا ترى تعلم هالموضوع ولا لع يا ترى شو اخباروا وكيف هو وكيف الغربة معوا وقها بقيت عايشة جسم من غير روح والمصيبة الاكبر بعد فترة كمان اشتقتلوا كثير وحنيت بطريقة غريبة حسيت حالي رجعت تعبت من جديدة وشكلي رح ازور المستشفى اخرى مرة مقدرتش اتحمل اكثر ضفتوا على اميل جديد اول يوم حكيت معوا على اسم غريب ثاني يوم مقدرتش وديتلوا رسالة بتبكي يلي عمروا ما بكى وفيديو مؤثر شوي من تصميمي ونسيت كل اشي عملوا معي وصار معي بسببو وقلتلوا انا هي ... تقريبا رجعنا نحكي مع بعض بس قالي بس اصدقاء لان انا سافر وصعب علي احب مش رح اسوي بين التعليم والحب اطمنت علية وهيك وما حكتلوا اشي عن يلي صار معي بغيابوا بس اكتفت بقول لساتني زي ما انا وهسه بحكي معو بس كأصدقاء بس احيانن بحسوا بحكي معي بطريقة منيحة فش فيها حب بس حلوة بقدر اتقبلها واحيانن بعصب علي بطريقة مش طبعية وبصير يقولي مولعة معي ومتعصبن وتعصبينيش بزيادة وببقى مش عاملي اشي بتأسف وانا مستغربة وزعلانة ودموعي عخدي واحيانن بحكي معي كلمتين ثلاث وبسكت وبختفي واحيانن بحكي بمشاعر هيك ايشي واحيانن ولا كأنوا طيقني صعب كثير بس بحاول اعلاج هاد الاشي بنفسي بس هيك رح انجرح كثير واضل تعباني...بس قريب مني بقدر احكي معوا اهون بكثير من اني ابقى بعيدة عنو حاولوا تفهموني ما تقولولي دشرك منو لان روحي معو وتغربت معوا ...لان جربت وصعب كثير علي ال 7 تشهر يلي عشتهن من دونو بقت اصعب اشهر شفتها بحياتي تعبت كثير بدي منكو تساعدوني وتنصحوني شو اسوي وكيف اتصرف ؟؟ كيف ارجعوا مثل زمان قبل ما يتغير هيك ؟؟ حسب رائيكوا ارجع اعيد ذكريات الماضي بلكي قلبوا حن شوي ولا شو فية اسوي
اسفة طولت عليكم بس انتوا فاهميني وحاسين فية ...الظاهر مليش حظ بهالدنيا يا ربي كنوا الحزن انكتب علي والفرحة حالفة ما تقرب مني ليش هيك حظي !!ساعدني يا رب

 يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il