Share this link via
Or copy link
الدكتور محمد ياسين يكتب على صفحات منتدى العرب: الغريبه والمطر
الغريبه والمطر
ما في حدا
لحدا
يا غريبه
لا تسألي
عن مكان تباتي فيه
البيوت آبوابها
مسكره
وطيبة القلب
نسيوها البشر
من زمان
يا غريبه
ومن الرب كب ولعت
هآلسما
برق ورعود
وآلمدينه نايمه بعتمه
ما إلها حدود
وما سأل فيك حدا
وحدك ع هآلرصيف
يا غريبه مغرقه
بتنقط رموشك
دمع ومطر
وثيابك بجسمك
ملزقه
كرزانه بترجي
مثل شجره
كلك سوا
وشفافك مزرقه
لا مين يقول لك
يا خالي ميلي
تيمر الشتا
وحدك وحيده
يا غريبه
ع هالرصيف
علقت ومعلقه
لا خوف راح ينفعك
ولا بكا
وآلشوارع غافيه
تحت آلشجر
ما في صبايا
ناطره شبابيك
ولا ورد
يضحك للندا
نامي
تيطلع صبح
يا غريبه
ما ظل بالدنيا امان
قطع فيك آلدهر
شو هالتعاسه
وشو هالشقا
نامي
ع هآلرصيف
إلك ألله
نامي
تحت آلشتا
ما ظل في حدا
بهآلزمن آلغريب
ينفع حدا
ألله معك
يا غريبه !