- أبرز ما جاء في الرسالة:

* من كتر حب ايلو كنت مغدرش ابعد عيوني لثانيه كنت انسى الدنيا لما اشوفو

* انا متعذبي من بعدوا وانا هسا في كتير شباب تقدمولي اما انا برفض لاني انا من جواتي بديش غير حبيبي

* انا حاسي انو خلص نسيني وحاسي انو بيحب وحدة تانيه بس انا ولا مره سمعت عنو انو كان مصاحب او هيك اشي

وصلت الى موقع العرب رسالة من فتاة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة هي التالية:
مرحبا,انا بنت من الشمال بدي اعرض عليكم مشكلتي لاني مش ملاقيه حل الها وبتمنى انو تساعدوني يا زوار موقع العرب وانا مليش حدى يساعدني غيركم. انا بحب واحد من جيلي 18 سنه وكان هوا يبادلني نفس الشعور وانا كنت حاسي فيه بس بدون ما يعترفلي بحبو الي, يعني كنا بس نتبادل النظرات ,من كتر حب ايلو كنت مغدرش ابعد عيوني لثانيه كنت انسى الدنيا لما اشوفو,وكنت احس بنبضات قلبي زي انها بدها تطلع مني وكنت احس انو هوا ببادلني نفس الشعور وكان واحد بقربلي بصفو,يعني كنت اعرف كل اخبارو ,وكان كل يوم يستناني على باب المدرسي بس عشين يشوفني بس انا كنت استحي منو كتير بعرفش لييش؟ بس منو هوا بستحي كلي بفوت ببعضي لما ابقى ماشيه مع صاحباتي بقلنلي مالك شوصرلك وانا بقلهن ولشي عادي بس انا من جواتي بحس حالي بدي اطير بس عشان شوفتو..وهيك ضلينا ل 3 سنين قضناهن بس نظرات..

صورة توضيحية فقط!

وانا وهوا هسا كل واحد بمدرسي بشفوش ولا بشوفني بس انا كل يوم بشوف صحابو بس هوا يبقاش معهم انا خايفه عليه كتير..حتى لو انو خلص نسيني بس انا بدي اطمن عليه والله انا من بعدوا صار معاي اشياء كتيره بس هوا بعرفهاش..انا متعذبي من بعدوا وانا هسا في كتير شباب تقدمولي اما انا برفض..وكمان بالمدرسه في اكمن شب اعترفولي اما انا مش عم بعطيهم مجال او فرصه عشين يحكو معي كمان مره ..لاني انا من جواتي بديش غير حبيبي..

تفاصيل وحقائق مثيرة
بس فمره كنت قاعدي بالمدرسه وكان في شب بينادي عليه هسا انا مرديتش قام حمل حالو اجى لعندي بقولي مالك مردتيش بقولو وانتي مين حتى ارد عليك شو في ايل! ك عن؍ ي بقولي انا بحبك..هسا انا استحيت ورحت على الصف قام اجى بقولي مالك روحتي مني بحكي معاكي..قومت محكيتش اشي قام صار يقلي بحبك بقولي وانتي؟ قولت ااه مش عارفي كيف طلعت من تمي واالله انها طلعت بالغلط انا بحبوش ومن يوميها وانا علقاني معوو كل ما يحكي معي كلمي بتندم على اليوم الي شوفتو فيه لاني انا من قلبي بحب حبيبي ومش عارفي من وين هاد طلعلي ..حتى لو انو حبيبي معتلفليش بحبو الي اما انا متأكدي وحاسي بحبو الي اما هوا بعرفش مالو..بعرفش شو صايرلو بشوفوش..شتقتلو..والله بتعذب من غيرو..لما كان يصير معي اشي طوالي كان يجي عشين يطمن اما هسا انقطعت اخباروا عني لا عاد ! اشوفو ولا يشوفني..انا حاسي انو خلص نسيني وحاسي انو بيحب وحدة تانيه بس انا ولا مره سمعت عنو انو كان مصاحب او هيك اشي مع انو يعني ازعر اما يعني مش ازعر ازعر زي ما انتو مفكرين هوا زي الشباب الباقين..عادي..وكل صحابو مصاحبين صاحباتي وكل يوم بشوفهم بالطريق بس من دون حبيبي..مش عارفي شو اساوي انا بس بدي اطمن عليه انا عدلي تقريبا سني مش شايفتوا...بس هوا كان يشوفني بس بدون ما انا اعرف يبقى متخبي بهيك زاويه بس عشين يشوفني اما ليش هوا حابب يعذبني معاه مش عارفي..والله انا مشتقتلو كتير حتى لو طلب روحي بعطي والله هالحكي من قلبي..كل يوم بوهم حالي انو خلص راح بطل يحء ني..برجع بنفس الدقيقه بقول انا بحب

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il