أبرز ما جاء في الرسالة:

سافرت عنده اول ما عيشت معه حسيت او مو طبيعي حكيت مع اهلي

مشاكل لا توصف مع دار حماي و انا عارفة انهم عرفو يشوفو زوجي بس انا ما قديرت اشوفو

بعد ما دخل السجن اجا اخو زوجي بيدو اني اطلع من البيت و اسكن انا و ابني عندو انا ما كان بيدي قولت بروح عند اختي لانو اختي ساكنة جنبي

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

السلام عليكم انا عمري ١٨ سنة وقصتي ان من انا عمري ١٤ سنة تقدم لخطبتي شاب في عمر ٢٢ سنة فقبلت بة حتى لا اتزوج ابن خالي رغماً عني فبقيت مخطوبة حتى اصبحت ١٦ سنة انا يعني ما كنت بعرف خطيبي كتير عشان كان في بلد ثانية كنا بس على الموبايل نحكي و اوقات كنا اشهر ما نحكي مع بعض المهم بعد هيك تزوجنا و انا في اخر عمر ١٦ .


صورة توضيحية

شعور غريب .. وحماة تتدخل في كل شيء !
وسافرت عنده اول ما عيشت معه حسيت او مو طبيعي حكيت مع اهلي و قلتلهم قالولي عشانك بعيدة عنا انتي حساة هيك صرت احكي يمكن بعد هيكو شفتو كتير بيرود على امة بشكل مش طبيعي حتى لما رجعت على بلدها كان يحكي معها و يسالها كل شي بعد هيك صار مشاكل كتير و انا صار بدي اروح على بلدي صار يروح يحكي مع امة ويسالها و كانت تحكيلو ما تروحها.
 
زوج عاطل عن العمل ومريض نفسي
و هوا ما كان يشتغل اعيد فل بيت عندة مشاكل في رجلية يعني كنت محبوسة فل بيت وكانت معاملتة معي صعبة كان كتير قاسي معي بعد هيك اللة رزقنا في ولد بعد سنة زواج وبردو ما تغير بس انا بحبو فا ضليت معو، بعد مرور اشهر زوجي عمل حادث كبير و دخل السجن وصارلو ٥ اشهر بس حطو في مستشفى لانو حكو انو مريض نفساني.
 
شقيق الزوج يفرض سيطرته
بعد ما دخل السجن اجا اخو زوجي بيدو اني اطلع من البيت و اسكن انا و ابني عندو انا ما كان بيدي قولت بروح عند اختي لانو اختي ساكنة جنبي بعد هيك صار مشاكل كتير مع اخو زوجي صار بيدو يتحكام فيا و بي ابني بعدين اجا على بيتي بيصرخ و بيدو يوخد مفتاح البيت و يوخد ابني مني صار مثل المجنون ضربني و اخد ابني بس ما طلعو من البيت لانو ادا اخدو كانو خطفو لوكان عم ابني بعد هيك رح انا رحت عند اختي و اتصلت فل شرطة كانو بدهم يحبسو انا قولت لا بس خلي يكتب تعهد انو ادا شافني انا و ابني يبعد عنا ١٥٠ قدم.
 
مشاكل مع عائلة الزوج
يعني صار مشاكل لا توصف مع دار حماي و انا عارفة انهم عرفو يشوفو زوجي بس انا ما قديرت اشوفو فا اكيد هما غيرو الموضوع و حكو لزوجي شي تاني لانو دار حماي كتير كذابين واكيد حكو اني انا عملت كل المشاكل و انا اتهجميت عليهم فا اكيد زوجي صدقهم بس واللة انا ما عملت شي غير اني صرت صرخ خايفة انو يوخد ابني مني و اللة انا كل قهري انة حماتي كانت موجودة لما اخو زوجي اتهجم علي و ضربني و ما دافعت عني او صرخت على ابنها انو يوقف عنجد ما شفت حدا قاسي زيها يعني عشاني وحيدة و اهلي مو عندي ترميني فل الشارع واللة لولا اختي و زوجها ساكنين في هل بلد كان زمان انا فل شارع مرمية.
 
سأطلب الطلاق
والحمد اللة انو اختي متزوجة ابن عمي الي من لحمي ودمي يلي حماني انا وابني و ما خلهم يقربو مني بس واللة ما بدي غير اقول حسبي اللة و نعم الوكيل انا بدي اتطلق انا بقول هذة انسب حل انا بردو بدي رائيكم و ياريت ما تجراحوني انتو كمان بيكلامكم لاني مو قادرة استحمل اكثر من هيك و سمعيت حكي من دار حماي بحياتي ما سمعتو من كثر ما هوة وقح و كلام بشع بس اللة يهديهم ويا ريت تعطوني الحل الصح و الانسب.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي: alarab@alarab.co.il