أبرز ما جاء في الرسالة:

انا بحس انه معملش شيء لانه ما عنده الجرأة يفتح معي الموضوع بعد ما جرحني

الشاب تغير كثير عن اول ما عرفته وانا بعرف انه الشيء ما له علاقة فيي هو صار مثل باقي الشباب الي بدها تتسلى بس

اذا هو ندم لي ما برجع وببادر على شان نحل كل شي ؟؟ ما تقولوا لي انسي وكملي حياتك لاني بعرف هذا الشيء بس مش قادرة !!.

وصلت الى موقع العرب رسالة من شابة تطلب ارشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا، انا فتاة كنت احب شاب وهو كمان كان يحبني، ودائما كنت احس انه احنا لبعض، فتنا بعلاقة وصرنا نحكي وفي فترة صار في مشاكل بينا وانا ولا مرة تخيلت انه راح نبعد عن بعض. الشاب تغير كثير عن اول ما عرفته وانا بعرف انه الشيء ما له علاقة فيي هو صار مثل باقي الشباب الي بدها تتسلى بس ... وصار يحس اني رابطته وبمنعه يعيش كيف بدو.
 


فهو بعد بطريقة قاسية كثير ... بهاي الفترة اكيد هو عاش كيف بدو بدون ما يربطه حد بس انا بعدني بحبه وبفكر في مع كل الي صار ... بعد كل هذا الوقت هو ندم على الي عمله ولانه بعد عني ... ومع هيك هو معملش اي شيء عشان يجرب يرجع ...وانا بحس انه معملش شيء لانه ما عنده الجرأة يفتح معي الموضوع بعد ما جرحني ... انا حاولت كثير انسى وما قدرت واذا برجع بسامحه ومنصلح كل شيء ... فاذا هو ندم لي ما برجع وببادر على شان نحل كل شي ؟؟ ما تقولوا لي انسي وكملي حياتك لاني بعرف هذا الشيء بس مش قادرة !!.

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net