الرئيسالسابق حسني مبارك:

السادات غلط لما فتح للأخوان الأبواب هو بصراحة كان راجل عظيم وكان عاوز ينفتح على الكل بس هما طول عمرهم عايزين السلطة والحكم

مصطفى الفقي ساب الرئاسة من زمان بس الواحد بيعرف الرجال في الصعاب مصطفى الفقي بيكتب في الجرايد ويطلع في التليفزيونات عشان ياخد فلوس

الاخوان مش متعودين على العمل في النور طول عمرهم بيشتغلوا في السر والدولة مش ممكن تدار في السر دي دولة كبيرة وقديمة وعندها شعب كبير ومتنوع وفيه تعددية لازم نحافظ عليها هما مش فاهمين الكلام ده

أنا متفاجئ من أدائهم كنت فاكرهم أفضل من كده بكتير هما مش فاهمين في الاقتصاد بيشتغلوا فيه بطريقة "التاجر" وده غلط وكمان عندهم شك في الناس وإزاي هنشتغل ونرفع البلد ونحل الأزمات وإحنا عندنا شك في الشعب والمعارضة

قال الرئيس السابق، حسني مبارك، معلقا على أحداث ثورة 25 يناير، التي استمرت 18 يوما: "مش فاكر اليوم بالضبط، كانت المظاهرات مستمرة في ميدان التحرير، اتصل بي الرئيس الأمريكي باراك أوباما مرتين أو ثلاثة، وبصراحة ما رضتش أرد عليه". وفي الآخر رديت.. فسألني: إيه الموقف عندك الآن؟!.. وقبل أن أرد.. بادرني أوباما: أنا رأيي تسلم البلد لمجموعة من السياسيين منهم محمد البرادعي، فقلت له: الكلام ده أنت اللي بتقوله؟!.. فقال: نعم، فقلت له اسمع يا أوباما، أنا أفهم الشعب المصري أكثر منك، وأنت تفهم الشعب الأمريكي أكثر منى، وأنا لا آخذ أوامر فيما يخص الشعب المصري، أنا آخذ أوامري من الشعب المصري وحده، لو الناس عايزاني أمشي، أمشي فورا، وأنا دوري إني أنبه الشعب لخطورة الوضع اللي هوه فيه.. وبعدها إنتهى الاتصال بيننا".

الإخوانبيشتغلوا في السر
وسأل الرئيس السابق عن رأيه في أداء الإخوان في الحكم، فأجاب: "كل اللي حكموا مصر يعرفوا الإخوان كويس، يعني جمال عبد الناصر وأنور السادات وأنا نعرف عنهم كل حاجة، ده بحكم موقعنا والتقارير والمعلومات، التي كانت تصل إلينا، علشان كده كان عبد الناصر يتعامل معهم بطريقة تحافظ على البلد، لأنهم كانوا عايزين ينقلبوا عليه أكثر من مرة، والسادات غلط لما فتح لهم الأبواب، هو بصراحة كان راجل عظيم وكان عاوز ينفتح على الكل، بس هما طول عمرهم عايزين السلطة والحكم، والمشكلة أنهم مش متعودين على العمل في النور، طول عمرهم بيشتغلوا في السر والدولة مش ممكن تدار في السر، دي دولة.. ودولة كبيرة وقديمة وعندها شعب كبير ومتنوع، وفيه تعددية لازم نحافظ عليها، هما مش فاهمين الكلام ده، عندهم مشكلة مع العصر الحديث، لكن إحنا بحكم موقعنا كنا عارفين أسرار لا يعرفها الشعب، علشان كده أنا بألتمس للناس العذر لما اختارتهم، لأنهم مجربوش الناس دول قبل كده". وصمت مبارك قليلا وتابع حديثه: " أنا بصراحة متفاجئ من أدائهم.. كنت فاكرهم أفضل من كده بكتير، هما مش فاهمين مثلا في الاقتصاد، بيشتغلوا فيه بطريقة "التاجر" وده غلط وكمان عندهم شك على طول في كل الناس، طيب إزاي هنشتغل ونرفع البلد ونحل الأزمات وإحنا عندنا شك في الشعب والمعارضة!!"

أنا مش لعبة في إيد حد
وتابع مبارك كلامه: "أنا بتابع التليفزيون والبرامج والصحف بس الجرايد بتيجي لي ساعات وساعات لأ، وبحاول أتابع التليفزيون والأخبار بقدر الإمكان، وكمان بتوصلني الأخبار لما تيجي لي زيارات بصراحة الأوضاع صعبة، ونفسي الأمور تستقر في البلد". وعما اذا كان يتابع كلام الأستاذ محمد حسنين هيكل وما يقوله عن عهده أجاب: " مش متابع قوي، بس هيكل له حكاية معايا، فأول ما توليت الحكم جاءني أسامة الباز وقال لي: أيه رأيك في هيكل يكتب خطبك السياسية؟ّ.. ففكرت قليلا وقلت له: هيكل كان بيشتغل مع عبد الناصر، وبعد كده استبعده السادات والمشكلة إنه هيحط لي في الخطبة رأيه، ولما أغير حاجة أو متعجبنيش حاجة يزعل. اسمع يا أسامة الراجل دا كان بيكتب لعبد الناصر معقولة هيكتب لي الخطب لأ ميصحش. وهربت منه كده. لأن هيكل بيحط أفكاره هو، وعايزني أقرأ وبس، وأنا مش لعبة في إيد حد، أنا أفكر وأقول للي يكتب لي الخطبة اكتب كذا وكذا وكذا، حتى مرة موسى صبري كان بيكتب لي الخطبة ودا كان أول ما تعينت وقال لي موسى: لازم ندي أمل الناس: وقولت له: لا ماينفعش تضحك على الناس، الناس لازم تعرف الحقيقة، أنا مش هضحك على الناس. على فكرة أنا أول ما تعينت كانت البلد تعبانة قوي، بس مش بالفوضى الحالية. ودول حتى بينسبوا كله لنفسهم. دا حتى مشروع قناة السويس إحنا اللي عاملينه.. إحنا عملنا مصانع هناك وأعطينا الصين مساحات وشيدنا مباني، ومن كام يوم شهدت مرسي والحكومة والإخوان عاملين قصة عن المشروع دا وكأنه إنجازتهم".

إبراهيم عيسى بيعجبني لأنه ما بيخافش
وتحدث مبارك في أجزاء مختلفة عن شخصيات محدودة على الساحة الآن، فحين سئل عما يقوله دكتور مصطفى الفقي في حلقات برنامجه عن فترة حكمه؟..أجاب: مصطفى الفقي ساب الرئاسة من زمان. بس الواحد بيعرف الرجال في الصعاب، مصطفى الفقي بيكتب في الجرايد ويطلع في التليفزيونات عشان ياخد فلوس. وأنا كمان بشوف إبراهيم عيسى، الراجل ده محترم وبيقول الحق، ورغم إنه كان بيعارضني إلا أنه بيعجبني لأنه ما بيخافش، وحين سئل عن مرتضى منصور، علق ضاحكا: ده مدفع.. مدفع".