صبية ( 25 عاما):

احترم قرار أهلي واقتنع فيه واخسر الشاب الي حبيتو؟؟ ولا اختار الحب واوقف قدام أهلي ؟؟ بديش ازعل اهلي مني لانو مليش غيرهن وبنفس الوقت بديش اخسرو ولا بدي اجرحو. ساعدوني بترجاكوا حدا ينصحني

وصلت الى موقع العرب رسالة من شابة تطلب إرشاد ونصيحة زوار موقع العرب الكرام. موقع "العرب" يؤكد أنه وحفاظا على النزاهة والمصداقية الصحفية ينشر الرسالة تماما كما وصلت إلى مكاتبنا، من دون زيادة أو نقصان، وبدون تعديلات لغوية أو تصحيح أخطاء إملائية.

زوار موقع العرب.نت اشكركم سلفاً لإصغائكم لمشاكلنا، اريد ان أطرح عليكم مشكلتي عساكم تساعدوني وتجدوا لها حلاً..
انا صبية عمري 25 سنة متعلمة وحلوة ومثقفة تعرفت على شاب من فترة وتعلقت فيه، وحبينا بعض وطلب مني انو يتقدم لي وطبعا أنا وافقت بدون تردد لاني بحبو ومعنية فيه، شفت فيه كل مواصفات الزوج المثالي بس للأسف واجهتنا مشكلة وحلها صعب كتير!!!

مشكلتنا، انو اهل الشاب سمعتهن مش منيحة، واهلي رفضوا علاقتنا بالمرة!! ومنعوني أحكي معو وطلبوا مني اتركو! انا خايفة كتير من هالقصة!! انا كتير حبيتو ومعنية فيه ومابفرق معي عيلتو ولا أصلو، بس أهلي أقنعوني انو لازم اتركو لمصلحتي ومستقبلي لانو برايهن هو تربى بعيلة سيئة فأكيد رح يكون تعلم منهم او اثروا عليه بمرحلة معينة لانو بالاخر هو ابن هاي العيلة. احترم قرار أهلي واقتنع فيه واخسر الشاب الي حبيتو؟؟ ولا اختار الحب واوقف قدام أهلي ؟؟ بديش ازعل اهلي مني لانو مليش غيرهن وبنفس الوقت بديش اخسرو ولا بدي اجرحو. ساعدوني بترجاكوا حدا ينصحني

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net