ما في قدامنا الا طريقين او بنستسلم وبنترك بعض عشان ولا حدا ينظلم او نقرر انو نختار حبنا ونعيش مع بعض حتى لو ما جبنا ولاد!!! ساعدوني

وصلت الى موقع العرب رسالة من شابة تطلب إرشاد ونصيحة زوار موقع العرب الكرام. موقع "العرب" يؤكد أنه وحفاظا على النزاهة والمصداقية الصحفية ينشر الرسالة تماما كما وصلت إلى مكاتبنا، من دون زيادة أو نقصان، وبدون تعديلات لغوية أو تصحيح أخطاء إملائية.

مرحبا زوار العرب.نت انا صبية عمري 28 سنة، مشكلتي قصيرة بس وصفها صعب وحلها أصعب
انا حبيت شاب فترة طويلة وبعد ما زبطنا وضعنا واستنيتو كتير تقدملي وخطبنا من فترة قصيرة، وبحبو كتير وهو احلى اشي بحياتي . بس للأسف كل اشي تغير بحياتنا من ما عمل فحوصات طبية وبيّن انو احنا نفس فصيلة الدم والأطباء أكدوا انو ما بنفع نتجوز. 

حياتنا تدمرت من ما عرفنا بالخبر وما تخيلنا انو اشي طبي يمنع ارتباطنا، مشكلتنا صعبة وما الها حل الا الانفصال عشان كل واحد منا يغدر يكمل بحياتو طبيعي ويتزوج ويعمل عيلة، بس انا بحبو ومتعلقة فيه وحلمت باليوم الي يجمعنا فيه بيت واحد وهو كمان كتير مضايق وعم بنحاول نلاقي حل ومش عارفين لانو كل الأطباء أكدوا انو هاد مش مرض وممكن نتعالج!!! هاد اشي اكبر من هيك وما بنفع انو نتجوز ونجيب اولاد بالمستقبل. ما في قدامنا الا طريقين او بنستسلم وبنترك بعض عشان ولا حدا ينظلم او نقرر انو نختار حبنا ونعيش مع بعض حتى لو ما جبنا ولاد!!! ساعدوني

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net