تعبت ومابعرف شو بدي أعمل!! افسخ الخطبة وافكر بحالي ومستقبلي ؟؟ ولا أضل معو يمكت الوقت يغيرو؟؟ خايفة يحرمني من تعليمي لما نتجوز او يحرمني اشتغل واتقدم.. خايفة

وصلت الى موقع العرب رسالة من شابة تطلب إرشاد ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

مرحبا زوار موقع العرب وخصوصا زوار زاوية مجتمع، اريد ان اطرح مشكلتي علنا وبينكم لعلكم تساعدوني او حتى تنصحوني..
انا صبية عمري 23 سنة مخطوبة، وارتبطت بخطيبي عن حب واتفاق وانا متعلقة كتييير فيه ومابغدر استغني عنو!! مشكلتو في الحياة انو متسلط وهاد الاشي بطبعو وتسلطو بزيد مع الوقت ومع تطور علاقتنا، هو تربى بين بنات ومتعود انو يفرض رأيو عليهن!! وهيك عم بتعامل معي، بتحكم بلبسي ومشاويري وتعليمي كمان، مابدو ياني اشتغل. بالاول كنت افذ طلباتو لاني بعرف انو بحبني ولانو بخاف علي.. لما بلشت تعليم صرت احس انو بطلت اتحمل صار يتصلي وانا بالمحاضرات وماعدت اغدر اتحمل.

فتحت معو الموضوع لاني بعرف انو هو بحبني، حاولت افهمو والفت نظرو اني مخنوقة ومتضايقة، وعدني انو رح يخفف بس ما زبط الاشي وضل متل ماهو، حتى غيرتو وتسلطو زادوا علي كل ما كنت انجح بتعليمي واتقدم صار يخاف انو نجاحي يخليني ابرز اكتر بين الناس. تعبت ومابعرف شو بدي أعمل!! افسخ الخطبة وافكر بحالي ومستقبلي ؟؟ ولا أضل معو يمكت الوقت يغيرو؟؟
خايفة يحرمني من تعليمي لما نتجوز او يحرمني اشتغل واتقدم.. خايفة

يطلب موقع "العرب" من زواره عدم التعقيب بصورة طائفية عنصرية وعدم الانجرار وراء معقبين عنصريين، وتسعى إدارة موقع "العرب" بتشديد الرقابه على التعقيبات وبحذف جميع التعقيبات التي تمس بأي طائفة. كما نلفت انتباهكم انه يمكنكم ارسال مشاكلكم على العنوان التالي:alarab@alarab.net