وصلت الى موقع العرب رسالة من شابة تطلب ارشادا ونصيحة زوار موقع العرب الكرام. موقع "العرب" يؤكد انه وحفاظا على النزاهة والمصداقية الصحفية ينشر الرسالة تماما كما وصلت الى مكاتبنا، من دون زيادة او نقصان، وبدون تعديلات لغوية او تصحيح اخطاء املائية.

الرسالة كالتالي:

أنا شخصية مزاجية كثير، من شي نص سنة ارتبطت بشاب حبيته حبني وخطبني. في أخر فتره بلش يتحسس من كوني حدا مزاجي، أنا بعرف إني مزاجية وممكن أي حدث صغير يأثر علي وعلى مزاجي وممكن أكشر في وجهو كل النهار بس عشان مشكلة صغيرة صارت معي في الشغل. أنا بحاول إني أتغيير بس هو مش مقدر هذا الإشي ودايما منتغاوش على هاد السبب. ساعدوني شو أعمل؟ وكيف أتغيير؟ وهل لازم إني أتغيير أو هو لازم يتقبلني كيف ما أنا ويقدّر فكرة إني بتغيير عشانه؟