Share this link via
Or copy link
عَ إيدو الحنوني/ بقلم: زهير دعيم
بأيام الصَّقعة ووقت البَرد
يسوع بيدفّيني
بعطر الزهر وورق الوَرد
بيجي وبيغطّيني
وبهمسة شِعر وهمسة سَرد
حُبّو بيغفّيني
ما احلى النُّومة مع يسوع
عَ إيدو الحنوني
بِعْبُطني وبمسَح دْموع
سالت من عيوني
يا ناس ما عاد رجوع
على صدرو خلّوني
صبحيّة مع العصفور
بروح اصليلو
بوجه خاشع كلّو نور
بركع مقابيلو
يا إمّي هاتي الفطور
تيباركو بيمينو