رسالة تحذر زوار الموقع من عمليات اختراق حساباتهم الشخصية في الفيسبوك:

صارت معي شخصيا ومع عدة اصدقاء وصديقات الي قدر هاد الهاكير إنه يخترق الفيسبوك تبعنا وفات وحكى بأسامينا وعمل مشاكل للبعض

ممكن يفوت الهاكير يحكي باسمك مع شخص من الموجودين عندك وانت متكنش شايف السيحا الي عم بحكيها وهذا الشخص يقتنع انه انت الي عم تحكي

ممكن حدا من صحابك يفوت يحكي معك ويسلم عليك ويحكي بشكل عادي ومتحسش بأي اشي غريب ويكون بالحقيقه الي عم بحكي معك هو الشخص الهاكير مش صاحبك

الهاكير بغلط مع صاحبك بالحكي بس بطريقه تدريجيه يعني ما بشتم دغري وبحكيش حكي عاطل أو مش طبيعي من أولها بل بطريقه تدريجية عشان الشخص يقتنع إنه انت الي عم تحكي

الهاكير الي انت مفكرو صاحبك بقلك مثلا فوت شوف على هيك صورة تصورتها مبيرح وببعتلك الموقع (الرابط) فما بتكبس عالموقع الا بصير يقدر هذا الهاكير يتحكم بالفيسبوك تبعك زي ما بدو

وصلت رسالة الى موقع العرب وصحيفة كل العرب من شاب –اسمه محفوظ في ملف التحرير- تحذر زوار الموقع من عمليات اختراق حساباتهم الشخصية في الفيسبوك. وجاء في الرسالة: "لسلام عليكم أبعث رسالة التحذير لكل اخوتي واخواتي من الهاكير (عديمي الشرف والضمير) الي عم يخترقوا فيسبوكات الناس ويحكو بأساميهين ويعملولهن مشاكل وبشوهوا بسمعتهن والي عم بثيروا الفتن بين الناس والمشكلة صارت معي شخصيا ومع عدة اصدقاء وصديقات الي قدر هاد الهاكير إنه يخترق الفيسبوك تبعنا وفات وحكى بأسامينا وعمل مشاكل للبعض عن طريق حكي عاطل حكاه مع ناس موجودين بالفيسبوك تبعهن والبعض نشر بأساميهين منشورات عاطله. أنا المشكله الي حاول يعملي اياها هي بأنه حاول يخلفني مع بعض الناس وحكا حكي عاطل باسمي مع بعض البنات بس بحمد الله بسرعه قدرت أحل المشكلة وبسرعة قدرت ازيل سيطرته عن الفيسبوك تبعي وصرت احذر الناس منه بس للاسف في ناس الي قدر يعملها مشاكل كبيرة فبتمنى من موقع العرب ينشر هذا الخبر بأسرع وقت لانو الخبر ما بتحمل الانتظار ولمدى خطورته تحذير مهمم جدا جدا لكل الشباب والصبايا (رح احكي بصيغة المذكر بس الحكي موجه للشباب والبنات) في شخص أو اكثر من شخص واحد هدول الهاكيريم عم يخترقوا فيسبوكات الناس وبفوتو بتحكموا فيها وبحكوا بأسامي الناس.

صورة توضيحية

المياه تسير من تحت قدميكم
وجاء في الرسالة: "ممكن يفوت الهاكير يحكي باسمك مع شخص من الموجودين عندك وانت متكنش شايف السيحا الي عم بحكيها وهذا الشخص يقتنع انه انت الي عم تحكي وميخطرش بباله انه هاكير.. ويكون هذا الهاكير غلطان معه بالحكي بس بطريقه تدريجيه بفوت مثلا ما بشتم دغري وبحكيش حكي عاطل أو مش طبيعي من أولها بل بطريقه تدريجية عشان هذا الشخص يقتنع إنه انت الي عم تحكي وميشكش إنه الفيسبوك مسروق أو حدا تاني الي عم بحكي غيرك وهيك بكون عملك مشاكل وانت مش عارف".

اعتقدت أنه صديقي ولكنه كان الهاكير
وتابعت الرسالة: "ملاحظه مهمه كتير.. ممكن حدا من صحابك يفوت يحكي معك ويسلم عليك ويحكي بشكل عادي ومتحسش بأي اشي غريب ويكون بالحقيقه الي عم بحكي معك هو الشخص الهاكير مش صاحبك وهذا الهاكير بكون مخترق فيسبوك صاحبك وبتحكم فيو وصاحبك مش عارف او عارف بس مش شايف إنه الهاكير عم بحكي معك باسمه وممكن صاحبك ميكنش فايت عالفيسبوك فبيجي هذا الي انت مفكرو صاحبك الي هو الهاكير بقلك مثلا فوت شوف على هيك صورة تصورتها مبيرح أو فوت شوف مثلا على هيك بلوزة شريتها وببعتلك الموقع (الرابط) برساله تفوت عليه عشان تشوف الصوره وما بتكون شاكك! بالمرة إنه الي عم بحكي معك مش صاحبك فما بتكبس عالموقع الا بصير يقدر هذا الهاكير يتحكم بالفيسبوك تبعك زي ما بدو.. عشان هيك الكل ينتبه وإذا أي حدا صارت معه هاي المشكله لسمح الله على المحل يغير سسمات الفيسبوك تبعتو ويطلع من الفيسبوك ويرجع يفوت بتنحل كل المشكلة وببطل يقدر يتحكم الهاكير بالفيسبوك تبعه ويكتب عالحائط إنو الفيسبوك كان مسروق" الى هنا نص الرسالة التحذيرية كما وصل الى العرب.